নিয়মীয়া বাৰ্তা, ২৩ অক্টোবৰ: মৰিগাঁও জিলাৰ ভূৰাগাঁও ৰাজহচক্ৰৰ অন্তৰ্গত মিৰিকামাৰী চৰত দুদিন ধৰি অব্যাহত আছে বাঘৰ সন্ত্ৰাস। মিৰিকামাৰী চৰত যোৱা নিশাৰ পৰা এটি বাঘে চলাইছে তাণ্ডব। বাঘ টোৰ আক্ৰমনত ৬টা কৈ গৰু নিহত হৈছে। যোৱা নিশা বাঘটোৱে চৰ টোত বিচৰণ কৰি ৬টাকৈ গৰু আক্ৰমন কৰি নিহত কৰে যদিও আজি দিনৰ ভাগতহে কথাটো পোহৰলৈ আহিছে। আজি দুপৰীয়াভূৰাগাওঁ আৰক্ষীৰ দল আৰু বনৰক্ষীৰ দল মিৰিকামাৰী চৰত উপস্হিত হৈ অভিযান চলাইছে যদিও বালিত বাঘটোৰ খোজৰ বাদে কোনো শুংসূত্ৰ পোৱা নাই।
ফলত নিশাৰ অন্ধকাৰ নামি অহাৰ লগে লগে চৰটোত এক আতংকময় পৰিবেশৰ সৃষ্টি হৈছে। সম্প্ৰতি মিৰিকামাৰী চৰত প্ৰশাসনে সতৰ্ক মূলক জাননী দিছে। বাঘ টোক বিচাৰি উলিয়াবলৈ ওৰাং ৰাষ্ট্ৰীয় উদ্যানৰ পৰা এটি বনৰক্ষীৰ দল প্ৰেৰণ কৰা বুলি জানিব পৰা গৈছে।