নিয়মীয়া বাৰ্তা, ৮ ডিচেম্বৰঃ ৰূপহীহাটৰ গড়াজানত আজি পুৱতি নিশা এক ভয়ংকৰ পথ দুৰ্ঘটনা ৷ পথ দুৰ্ঘটনাত গুৰুতৰ বাবে আহত হয় ছয়জনকৈ লোক। ট্ৰেক্টৰ আৰু পাছলি কঢ়িওৱা টাটা মেজিকৰ মাজত মুখামুখি সংঘৰ্ষৰ ফলত সংগঠিত হয় এই দুৰ্ঘটনা ৷ গড়াজান -কালিয়াডিংঙা সংযোগী পথৰ কালি মন্দিৰৰ সমীপত পুৱতি নিশা সংঘটিত হয় এই ভয়ংকৰ পথ দুৰ্ঘটনাটো।
দুৰ্ঘটনাগ্ৰস্ত টাটা মেজিকৰ নম্বৰ হৈছে AS 02 CC 5482 ৷ ঘটনাস্থলীত গড়াজান আৰক্ষী উপস্থিত হৈ তদন্ত আৰম্ভ কৰিছে ৷
প্ৰেৰক: জহিৰুল ইছলাম/ৰূপহীহাট