ৰূপহীহাটৰ লাওখোৱাত দেশৰ প্ৰতিৰক্ষা মুৰব্বী CDS বিপিন ৰাৱটৰ লগতে আন শ্বহীদ সকললৈ শ্ৰদ্ধাঞ্জলি
নিয়মীয়া বাৰ্তা, ১১-ডিচেম্বৰ: অভিশপ্ত ৮ ডিচেম্বৰ বুধবাৰে নীলগিৰি অৰণ্যত ভাৰতীয় বায়ু সেনাৰ MI17 হেলিকপ্টাৰ দুৰ্ঘটনাগ্ৰস্ত হৈ দেশৰ প্ৰতিৰক্ষা মুৰব্বী CDS বিপিন ৰাৱট, পত্নী মধুলিকা ৰাৱটৰ লগতে আন ১১ জনকৈ বীৰ সেনা জোৱানৰ মৃত্যুৰ পিছতে শুকস্তব্ধ হৈ পৰিছে সমগ্ৰ দেশ।
শনিবাৰে সন্ধিয়া ৰূপহীহাটৰ লাওখোৱা বজাৰত লাওখোৱা ৰাইনো ক্লাৱৰ উদ্যোগত জেনেৰেল বিপিন ৰাৱটৰ লগতে আন শ্বহীদ বীৰ সেনা সকলোৰ প্ৰতিচ্ছবিত মাল্যৰ্পণ কৰি বন্তি প্ৰজ্বলনেৰে শ্ৰদ্ধাঞ্জলি জ্ঞাপন কৰে নিজ লাওখোৱা ৰাইনো ক্লাৱৰ সদস্যসকলে। শ্ৰদ্ধাঞ্জলি অনুষ্ঠানত বীৰ শ্বহীদসকলৰ আত্মাৰ চিৰশান্তিৰ বাবে এক মিনিট মৌন প্ৰাৰ্থনা কৰা হয়।
input: জহিৰুল ইছলাম/ৰূপহীহাট