নিয়মীয়া বাৰ্তা, ১ ফেব্ৰুৱাৰী : ৰাজ্যৰ বিভিন্ন প্ৰান্তৰ লগতে লখিমপুৰ জিলাৰ নাৰায়ণপুৰতো মুখ্যমন্ত্ৰী ড° হিমন্ত বিশ্ব শৰ্মাৰ ৫৩ সংখ্যক জন্মদিনটো উদযাপন কৰে হিমন্ত বিশ্ব শৰ্মা ফেন ক্লাবে। আজি মুখ্যমন্ত্ৰী ড০ শৰ্মাৰ জন্মদিন উপলক্ষে ফেন ক্লাবৰ বিভিন্ন কাৰ্যসূচী ৰূপায়ণ কৰাৰ সমান্তৰালভাবে ক্লাবৰ একাংশ সদস্য শিমলুগুৰিত উপস্থিত হৈ পদপথৰ দৰিদ্ৰ লোকৰ মাজত কম্বল বিতৰণ কৰে ৷
ইফালে, ঠেঁটুৱৈ লগা জাৰত কম্বল পাই এইসকল লোক আনন্দিত হৈ পৰে ৷ শিমলুগুৰিবাসীয়ে মুখ্যমন্ত্ৰী ড০ হিমন্ত বিশ্ব শৰ্মাৰ জন্মদিনত ফেন ক্লাবে দৰিদ্ৰজনক সহায় কৰা কাৰ্যক ভূয়সী প্ৰশংসা কৰিছে।
প্ৰেৰক দেৱজ্যোতি কাকতি