নিয়মীয়া বাৰ্তা, ২৪ অক্টোবৰঃ লখিমপুৰ জিলাৰ বগীনদী স্থিত গোৰ্খা ভবন প্ৰাঙ্গণত নৱনিৰ্বাচিত সদৌ লখিমপুৰ জিলা গোৰ্খা ছাত্ৰ সন্থাৰ আজি শপত গ্ৰহণ অনুষ্ঠান সভা অনুষ্ঠিত হৈ যায়। উক্ত সভাত সভাপতিত্ব কৰে জিলাখনৰ নৱনিৰ্বাচিত সভাপতি দিপক নেৱাৰে। নৱনিৰ্বাচিত জিলা সমিতিৰ সভাপতি/সাধাৰণ সম্পাদক উপৰিও জিলা ৩৭গৰাকী সদস্য সকলক শপথ বাক্য পাঠ কৰাই সদৌ অসম গোৰ্খা ছাত্ৰ সন্থাৰ কেন্দ্ৰীয় সমিতিৰ প্ৰাক্তন সাধাৰণ সম্পাদক লগতে বৰ্তমান কেন্দ্ৰীয় সদস্য ভৰত চেত্ৰীয়ে। অনুষ্ঠানটিত জিলাত বাস কৰা গোৰ্খা জনগোষ্ঠীয় ৰাইজৰ বিভিন্ন সমস্যাৰ উপৰিও জিলা সমিতিখনৰ আগন্তুক কৰ্মসূচীৰ ওপৰত আলোকপাত কৰা হয়। উক্ত সভাত বগীনদী আঞ্চলিক সমিতিৰ বিষয়ববীয়াৰ লগতে উপস্থিত থাকে প্ৰাক্তন গোৰ্খা ছাত্ৰ সন্থাৰ বিষয়ববীয়া সকল।
Input: দেৱজ্যোতি কাকতি, শিমলুগুৰি।