বগীনদীত যোৰহাট খুমটাইৰ আছুৰ নেতা অনিমেষ ভূঞাক বগীনদী চিয়াজুলী আঞ্চলিক গোৰ্খা ছাত্ৰ সন্থাৰ শ্ৰদ্ধাঞ্জলি

নিয়মীয়া বাৰ্তা,  ২ ডিচেম্বৰ : এদল নৰপিশাচৰ নৃশংসতাৰ বলি হৈ শোকাবহ মৃত্যুক সাৱটি লোৱা যোৰহাট খুমটাইৰ আছু নেতা অনিমেষ ভূঞাক শ্ৰদ্ধাঞ্জলি জ্ঞাপন কৰে বগীনদী আৰু চিয়াজুলী আঞ্চলিক গোৰ্খা ছাত্ৰ সন্থাই ।কালি সন্ধিয়া ৬ বজাত বগীনদীৰ গোৰ্খা ভৱনত আয়োজিত এক শ্ৰদ্ধাঞ্জলি অনুষ্ঠানত, প্ৰয়াত ছাত্ৰ নেতাৰ প্ৰতিচ্ছবিত মাল্যৰ্পন কৰি মমবাতি আৰু বন্তি জ্বলাই নিহতৰ আত্মাৰ সদগতি কামনা কৰি এক মিনিটৰ মৌন প্ৰাৰ্থনা কৰে। এই অনুষ্ঠানত উপস্থিত থাকি লখিমপুৰ জিলা গোৰ্খা ছাত্ৰ সন্থাৰ সহ সম্পাদক সাগৰ ছেত্ৰী আৰু প্ৰচাৰ সম্পাদক প্ৰবীণ ছেত্ৰীয়ে, অনিমেষ ভূঞাৰ দৰে সম্ভাৱনাময়, অমায়িক ছাত্ৰ নেতাক নৃশংসতাৰে হত্যা কৰা পাষণ্ডৰ দলটোক কঠোৰৰ পৰা কঠোৰতম শাস্তি প্ৰদান কৰিবলৈ অসমৰ মুখ্যমন্ত্ৰীক দাবী জনোৱাৰ লগতে যোৰহাট আৰক্ষী প্ৰশাসনৰ দুৰ্বল ভূমিকাক তীব্ৰ ভাষাৰে গৰিহণা দিয়ে। বগীনদী আঞ্চলিক গোৰ্খা ছাত্ৰ সন্থাৰ সভাপতি দীপক ছেত্ৰীৰ নেতৃত্বত আয়োজিত এই শ্ৰদ্ধাঞ্জলি অনুষ্ঠানত চিয়াজুলী আঞ্চলিকৰ উপ সভাপতি পাছাং শ্বেৰ্পাৰ লগত দুয়োখন আঞ্চলিকৰ কেইবাগৰাকীও ছাত্ৰ কৰ্মী উপস্থিত থাকে।