নিয়মীয়া বাৰ্তা, ৭ ফেব্ৰুৱাৰী : বিটিআৰত চলিছে বিজেপিৰ শক্তি বৃদ্ধিৰ প্ৰয়াস। আজি গোসাঁইগাঁও মহকুমাৰ ডেমডেমাত বিজেপিৰ কচুগাঁও মণ্ডলৰ উদ্যোগত যোগদান সভা অনুষ্ঠিত কৰে। কচুগাঁও মণ্ডলৰ সভাপতি সিদ্ধাৰ্থ নাৰ্জাৰীৰ সভাপতিত্বত অনুষ্ঠিত সভাত সমাজকৰ্মী, বিপিএফ, জিএছপিৰ আদি দলৰ পৰা আহি প্ৰায় ডেৰ শতাধিক লোক আনুষ্ঠানিকভাৱে নতুনকৈ বিজেপিত যোগদান কৰে।
উক্ত যোগদান সভাত বিটিআৰৰ কাৰ্যবাহী সদস্য ৰেওৰেৱা নাৰ্জীহাৰী উপস্থিত থাকি নতুনকৈ যোগদান কৰাসকলক দলৰ নীতি আৰু আদৰ্শ মানি দল তথা ৰাইজৰ হৈ কাম কৰি যাবলৈ আহ্বান জনায়। সভাত কাৰ্যবাহী সদস্য ৰেওৰেৱা নাৰ্জীহাৰীৰ লগতে ৰাজ্যিক কাৰ্যনিৰ্বাহক সদস্য বিভূতি বৰগয়াৰী,কোকৰাঝাৰ জিলা উপ-সভাপতি গোপাল সাহা,সাধাৰণ সম্পাদক মানসপ্ৰতিম ৰায়, ৰাজেন্দ্ৰ বসুমতাৰীৰ লগতে সভাপতি সিদ্ধাৰ্থ নাৰ্জাৰী প্ৰমুখ্যে আন আন বিষয়বৱীয়া কৰ্তকৰ্তাসকল উপস্থিত থাকি নতুনকৈ যোগদান কৰা সদস্যসকলক দলীয় টুপি আৰু প্ৰতীকেৰে দললৈ আদৰণি জনায়।
প্ৰেৰক কৃষ্ণ বৰ্মন