নিয়মীয়া বাৰ্তা,৭ ফেব্ৰুৱাৰী : লাহৰীঘাটৰ বৰছলা আৰক্ষীয়ে ড্ৰাগছবিৰোধী অভিযানত আজি ৩ ড্ৰাগছ সৰবৰাহকাৰী আটক কৰে। বৰছলা আৰক্ষীয়ে গোপন সূত্ৰৰ পম খেদি লাহৰিপামৰ পৰা মহিলাসহ তিনি সৰবৰাহকাৰীক ড্ৰাগছসহ কৰায়ত্ত কৰে।
ধৃত ড্ৰাগছ সৰবৰাহকাৰীকেইটা ক্ৰমে ছফিকুল ইছলাম (৪৮ ), জিয়াবুৰ ৰহমান ( ৩২ ) আৰু জামেনা খাতুন (৩৫ )। ধৃত ড্ৰাগছ সৰবৰাহকাৰীকেইটাৰ পৰা আৰক্ষীয়ে ১১টা ড্ৰাগছভৰ্তি চাধাৰ টেমা, ৩টা মোবাইল ফোন জব্দ কৰে। জব্দ কৰা ড্ৰাগছখিনিৰ ওজন ৪ গ্ৰাম।
প্ৰেৰক আবুল কালাম