নিয়মীয়া বাৰ্তা, ১ ফেব্ৰুৱাৰী : মুখ্যমন্ত্ৰী ড০ হিমন্ত বিশ্ব শৰ্মাৰ জন্মদিন আজি ৰাজ্যজুৰি পালন কৰে তেওঁৰ অনুৰাগীসকলে।
ইয়াৰ লগত সংগতি ৰাখি জালুকবাৰী সমষ্টিৰ জালাহতো উদযাপন কৰা হয় ড০ হিমন্ত বিশ্ব শৰ্মাৰ জন্ম দিন। তদুপলক্ষে গেট হাস্পতালৰ উদ্যোগত অনুষ্ঠিত হয় এক বিনামূলীয়া চিকিৎসা শিবিৰ। গেট হাস্পতালৰ পৰিচালন সঞ্চালক ডঃ বেদব্ৰত পাঠকে পৰিচালনা কৰা স্বাস্থ্য শিবিৰত উপস্থিত থাকে অঞ্চলটোৰ বহু জ্যেষ্ঠ নাগৰিক।
অঞ্চলটোৰ দুই শতাধিক লোকক বিনামূলীয়া চিকিৎসা সেৱাৰ লগতে প্ৰদান কৰা হৈছে ঔষধ। পাঁচজনকৈ অভিজ্ঞ চিকিৎসকে অংশ লয় এই স্বাস্থ্য শিবিৰত। গেট হাস্পতালৰ সকলো চিকিৎসকৰ দলক সম্বৰ্ধনা জনায় জালুকবাৰী বিজেপিৰ সংখ্যালঘু মৰ্চাই।
হাস্পতাল কৰ্তৃপক্ষক ধন্যবাদ দিয়াৰ উপৰি মুখ্যমন্ত্ৰী ড০ হিমন্ত বিশ্ব শৰ্মাৰ দীর্ঘায়ু কামনা কৰে জালাহবাসীয়ে। গেট হাস্পতালৰ সহকাৰী পৰিচালক ধীৰাজ বৈশ্যই আঁত ধৰা কাৰ্যসূচীত বহু জ্যেষ্ঠ নাগৰিক উপস্থিত থাকে।