বিশেষ বার্তা, ২৪ ফেব্ৰুৱাৰী:- ৰাজ্যখনৰ ভিতৰতে পদপথত পথৰ পুথিভঁৰাল স্থাপন কৰি সৰ্বজনৰ সমাদৰ লাভ কৰা নাওবৈচাৰ গোসাঁনীবাৰী জোনাকী সাৰ্বজনীন পথৰ পুথিভঁৰালৰ উদ্যোগত আৰু গোসাঁনীবাৰী যুৱকবৃন্দৰ সহযোগত পৰাগ কুমাৰ দাসৰ জন্মদিন উপলক্ষে গোসাঁনীবাৰী প্ৰাথমিক বিদ্যালয়ত এটি বৃক্ষৰোপণ কাৰ্য্যসূচী হাতত লয়। সাংবাদিকগৰাকীৰ জীৱন পৰিক্ৰমা নতুন প্ৰজন্মৰ মাজত জীয়াই ৰখাৰ মূল লক্ষ্যৰে এই কাৰ্যসূচী ৰূপায়ন কৰা হয়। কাৰ্যসূচী অনুসৰি সাংবাদিকগৰাকীৰ জন্ম দিনৰ উপলক্ষে গছ পুলি ৰোপনৰ মুখ্য ৰূপক হিচাবে উপস্থিত থাকে গোসাঁনীবাৰী প্ৰাথমিক বিদ্যালয়ৰ প্ৰধান শিক্ষক হৰেন গগৈ। গছপুলি ৰোপন কৰি প্ৰদান শিক্ষক হৰেন গগৈয়ে সাংবাদিকতাৰ জড়িয়তে শ্বহীদ পৰাগ কুমাৰ দাসে অসমৰ জনগণৰ মুক্তিৰ বাবে যি অৱদান আগবঢ়াই গৈছে সেই অৱদানৰ বাবে তেওঁৰ নাম ইতিহাসত সোণালী আখৰে লিখা থাকিব। গছপুলি ৰোপন কাৰ্যসূচীত গোসাঁনীবাৰী যুৱক সংঘৰ সভাপতি জিতু বৰা , সম্পাদক ভাস্কৰ বৰা , জোনাকী সাৰ্বজনীন পথৰ পুথিভঁৰালৰ সভাপতি বিকাশ বৰা আৰু সম্পাদক চিত্ৰৰঞ্জন বৰুৱা আৰু গোসাঁনীবাৰী প্ৰাথমিক বিদ্যালয়ৰ সমূহ ছাত্ৰ ছাত্ৰী আৰু গোসাঁনীবাৰী গাঁৱৰ যুৱকসকল উপস্থিত থাকি সহযোগিতা আগবঢ়ায়।
প্ৰেৰক নিতুল বৰা