নিয়মীয়া বাৰ্তা, ২৬আগষ্টঃ অৱশেষত উদ্ধাৰ হ’ল সন্ধানহীন ছাত্ৰ সঞ্জয় বসুমতাৰীৰ (১৮) মৃতদেহ । বাক্সা জিলাৰ নিজ ডাকুৱা ঘাটৰ হাকোৱা নৈত উদ্ধাৰ ছাত্ৰজনৰ মৃতদেহ । যোৱা ২৪ আগষ্টত চিৰাঙৰ পাণবাৰীৰ ৰাণীঘাটৰ হাকোৱা নৈত গা-ধুই থাকোঁতে সন্ধানহীন হৈ পৰিছিল সঞ্জয় বসুমতাৰী আৰু টিটুৰাজ দৈমাৰী নামৰ ছাত্ৰ দুজন । পিছত SDRF ৰ অভিযানত টিটুৰাজৰ মৃতদেহ উদ্ধাৰ হৈছিল যদিও সন্ধানহীন হৈ আছিল সঞ্জয় । সঞ্জয়ৰ সন্ধানত NDRF- SDRF বাহিনীয়ে চলাইছিল অভিযান । নিজ ডাকুৱা ঘাটত ট্ৰেক্টৰ এখনে নৈখনৰ পৰা শিল-বালি উঠাই থকাৰ সময়ত প্ৰত্যক্ষ কৰিছিল ছাত্ৰজনৰ মৃতদেহ ।