নিয়মীয়া বাৰ্তা, ১৪ ফেব্ৰুৱাৰীঃ সমাগত পৌৰসভাৰ নিৰ্বাচনক লৈ বিজেপিৰ ৰাজ্যিক সভাপতি ভবেশ কলিতাৰ গৃহ সমষ্টি ৰঙিয়াত শাসকীয় দলটোৰ লগতে মিত্ৰ দল অগপৰ তৎপৰতা। ৰঙিয়া পৌৰসভাৰ ১০খন আসনৰ ৮খনত বিজেপি-২খনত অগপই প্ৰতিদ্বন্দিতা কৰিব। ইয়াৰ ভিতৰত বিজেপিয়ে ৭খন আসনৰ প্ৰাৰ্থীৰ নাম ঘোষণা কৰাৰ বিপৰীতে এখন আসনৰ প্ৰাৰ্থীৰ নাম ঘোষণা কৰা নাই। বিজেপিয়ে ঘোষণা কৰা প্ৰাৰ্থীকেইজনৰ নাম হৈছে- ১নং ৱাৰ্ডত অমৰেন্দ্ৰ লহকৰ, ২নং ৱাৰ্ডত বিউটি আহমেদ, ৩নং ৱাৰ্ডত গুণু বড়ো, ৪নং ৱাৰ্ডত মিতালী ডেকা, ৬নং ৱাৰ্ডত উত্তম পাল, ৭নং ৱাৰ্ডত পূৰবী দাস আৰু ৮নং ৱাৰ্ডত বিদ্যুৎ ডেকা । আনহাতে ৫নং বিজেপিয়ে বৰ্তমানলৈ প্ৰাৰ্থী ঘোষণা কৰা নাই।
ইফালে অগপয়ো ৰঙিয়া পৌৰসভাৰ বাবে দুটা ৱাৰ্ডৰ প্ৰাৰ্থী তালিকা ঘোষণা কৰিছে। সেই অনুসৰি ৯নং ৱাৰ্ডত জয়া কলিতা আৰু ১০নং ৱাৰ্ডত ৰুমিনা বেগম। উল্লেখ্য যে মিত্ৰদল অগপই দুয়োখন আসনত মহিলা প্ৰাৰ্থী প্ৰক্ষেপ কৰাৰ বিপৰীতে বিজেপিয়ে চাৰিখন আসনত মহিলা প্ৰাৰ্থী প্ৰক্ষেপ কৰা পৰিলক্ষিত হৈছে ।
প্ৰেৰক ফাৰুক আহমেদ