নিয়মীয়া বাৰ্তা, ২ নৱেম্বৰঃ চিৰাং জিলাৰ বিজনীৰ ১নং ৱাৰ্ডৰ কাবিলি বাগানত পিপল ডেম’ক্ৰেটিক মুভমেণ্ট ফৰ বড়োলেণ্ডে আজি দিনৰ ১১ বজাত সংবাদমেলৰ আয়োজন কৰে। সংগঠনটোৰ সাধাৰণ সম্পাদক জেব্ৰাৰাম মুছাহাৰীয়ে আয়োজন কৰা সংবাদমেলৰ জৰিয়তে বিটিচিত শান্তি-শৃংখলা অটুট ৰখাৰ বাবে সংগঠনটোৱে ৰাজ্য চৰকাৰক অতি সোনকালে বিটিচি নিৰ্বাচন অনুষ্ঠিত কৰাৰ বাবে নিৰ্বাচন আয়োগক নিৰ্দেশ দিয়াৰ বাবে দাবী উত্থাপন কৰে।
ইয়াৰ লগতে সংগঠনটোৰ এক প্ৰস্তাৱ অনুসৰি আগন্তুক বিটিচি নিৰ্বাচনত বিটিচি গঠনৰ ক্ষেত্ৰত প্ৰধান ভূমিকা পালন কৰা বিপিএফ দলক মুকলি সমৰ্থন জনোৱা হ’ব বুলি ঘোষণা কৰাৰ লগতে বিটিচিৰ ৰাইজক পুনৰ বিপিএফ চৰকাৰ গঠন কৰাৰ ক্ষেত্ৰত বিপিএফক ভোট দিয়াৰ বাবে আহ্বান জনায়।