নিয়মীয়া বাৰ্তা, ২৯ ডিচেম্বৰঃ ৰূপহীহাটৰ শিঙিমাৰীত পুনৰ এক পথ দূৰ্ঘটনাত থিতাতে নিহত হয় এগৰাকীৰ মহিলা । নিহত মহিলা গৰাকী তেজপুৰৰ ফাৰহানা আক্তাৰা বুলি জানিব পৰা গৈছে । এখন বাইকেৰে আহি থকা অৱস্থাত তীব্ৰ বেগী ডাম্পাৰে মহতিয়াই নিয়াত বাইক আৰোহী নুৰুল হুদা আৰু মহিলা গৰাকী দূৰ্ঘটনাগ্ৰস্থ হয় । ইয়াৰ পিছতে নগাঁও জিলা আৰক্ষী অধীক্ষক আনন্দ মিশ্ৰ ঘটনাস্থলীত উপস্থিত হৈ আহত নুৰুল হুদাক উন্নত চিকিৎসাৰ বাবে নগাঁওলৈ প্ৰেৰণ কৰে । দুৰ্ঘটনা সংগঠিত কৰি ডাম্পাৰখন তীব্ৰ বেগে পলাবলৈ খোজে যদিও আমবাগান আৰক্ষীয়ে গাড়ীখন জব্দ কৰিবলৈ সক্ষম হয় । ডাম্পাৰ খনৰ নম্বৰ এএছ-০১ এমচি ৮৮১৬ আৰু বাইকৰ নম্বৰ এএছ ১২ ইউ ৫২৮৬ ৷ আনহাতে ঘটনাস্থলীত ৰূপহীহাট আৰক্ষী উপস্থিত হৈ মৃতদেহটো উদ্ধাৰ কৰি মৰোণত্তৰ পৰীক্ষাৰ বাবে নগাঁও লৈ প্ৰেৰণ কৰি তদন্ত আৰম্ভ কৰিছে ।