পলাশবাৰীৰ নহিৰাৰ উচ্চতৰ মাধ্যমিকত বাণিজ্য শাখাত সুখ্যাতিৰে উত্তীৰ্ণ হোৱা নৱজ্যোতিক গুৱাহাটী মহকুমা বজাৰ সমিতিৰ অধ্যক্ষ প্ৰণৱ কলিতাই জনালে সম্বৰ্ধনা
নিয়মীয়া বাৰ্তা, ৯ জুলাই : উচ্চতৰ মাধ্যমিক চূড়ান্ত পৰীক্ষাত বাণিজ্য শাখাত দুটা বিষয়ত লেটাৰসহ প্ৰথম বিভাগত উত্তীৰ্ণ হোৱাৰ লগতে বীমা বিষয়টোত ৰাজ্যখনৰ ভিতৰতে সৰ্বাধিক নম্বৰ লাভ কৰি দক্ষিণ কামৰূপলৈ গৌৰৱ কঢ়িয়াই অনা নহিৰা নিবাসী স্বৰ্গীয় পৰেশ দাসৰ পুত্ৰ নৱজ্যোতি দাসক আজি গুৱাহাটী মহকুমা বজাৰ সমিতিৰ অধ্যক্ষ তথা পলাশবাৰী সমষ্টিৰ যুৱ নেতা প্ৰণৱ কলিতাই অভিনন্দন জ্ঞাপন কৰাৰ লগতে আৰ্থিকভাবে সহায় আগবঢ়াই আৰু ভৱিষ্যতে কিবা প্ৰয়োজন হলে সহায় আগবঢ়োৱাৰ আশ্বাস প্ৰদান কৰি নৱজ্যোতি দাসৰ উজ্বল ভৱিষ্যত কামনা কৰে ।
অনুষ্ঠানটোত উপস্হিত থাকে ৰামপুৰ ব্লক কংগ্ৰেছৰ সভাপতি যুগল নাথ আৰু নহিৰা গাঁও পঞ্চায়তৰ ২ নং ৱাৰ্ডৰ সদস্য বলেন দাস ।