নিয়মীয়া বাৰ্তা, ২২আগষ্টঃ চিৰাং জিলা বিজনী ৰে’ল ষ্টেচনৰ সমীপৰ 451/A নম্বৰৰ কালভাৰ্টৰ তলত উদ্ধাৰ হয় এটা মৃতদেহ। মৃতদেহটো ভিডিঅ’গ্ৰাফাৰ পংকজ দাসৰ (২২) বুলি চিনাক্ত কৰে স্থানীয় লোকে। বৰপেটা জিলাৰ পাঠশালাৰ বাসিন্দা পংকজে মাতৃৰ সৈতে বিজনীৰ ১ নং ৱাৰ্ডৰ এটা ভাড়াঘৰত বসবাস কৰিছিল।
যোৱা ১৯ আগষ্টৰে পৰা নিৰুদ্দেশ হৈ আছিল পংকজ। যুৱকজনৰ মাতৃয়ে ২১ আগষ্টত বিজনী থানাত পুত্ৰৰ নিৰুদ্দেশ সন্দৰ্ভত দাখিল কৰিছিল এজাহাৰ। আজি স্থানীয় লোক মৃতদেহটো প্ৰত্যক্ষ কৰে আৰু আৰক্ষীক খবৰ কৰে। ঘটনাস্থলীত বিজনীৰ আৰক্ষী আৰু ৰে’ল আৰক্ষী উপস্থিত হৈ মৃতদেহটো মৰণোত্তৰ পৰীক্ষাৰ বাবে প্ৰেৰণ কৰে ।