নিয়মীয়া বাৰ্তা, ১২ নৱেম্বৰঃ কাইলৈ ধনতেৰাছ। ধনৰ দেৱতা ধনন্তৰীৰ পূজা কৰা হয় কালিৰ দিনটোত। ধনতেৰাছৰ দিনটোতে কিনা হয় বিভিন্ন সামগ্ৰী। কোৱা হয় যে ধনতেৰাছৰ দিনত ক্ৰয় কৰা বস্তুবোৰ তেৰবাৰলৈ বৃদ্ধি হয়। মানুহে ঘৰত সুখ আৰু সম্পদ ৰখাৰ ইচ্ছাৰে ঘৰত নতুন সামগ্ৰী আনে। কিন্তু ধনতেৰাছত সামগ্ৰী ক্ৰয় কৰোঁতে কি ক্ৰয় কৰা ভাল আৰু কি পৰিহাৰ কৰিব লাগে মনত ৰাখিব। গতিকে ধনতেৰাছত কি কিনিব বা নিকিনিব জানো আহক…
ভগৱান ধনন্তৰীৰ ধাতু পিতল। সেয়েহে ধনতেৰাছৰ সময়ত পিতলৰ বাচন ক্ৰয় কৰাটো অতি শুভ বুলি গণ্য কৰা হয়। ইয়াৰ উপৰি আপুনি ধনতেৰাছত সোণ, ৰূপ, তামৰ সামগ্ৰী বা বাচন ক্ৰয় কৰিব পাৰে। ধনতেৰাছৰ দিনত এইবোৰ বস্তু ঘৰত আনিলে মাতৃ লক্ষ্মী আৰু ধনন্তৰী ঈশ্বৰৰ অনুগ্ৰহে সুস্থতা আৰু উন্নতি আনে।
ঝাড়ুক লক্ষ্মীৰ প্ৰতীক বুলি গণ্য কৰা হয়। সেয়েহে ধনতেৰাছত এডাল ঝাড়ু কিনাত সকলোৱে গুৰুত্ব দিয়ে। বিশ্বাস কৰা হয় যে এই দিনত নতুনকৈ অনা ঝাড়ুৱে ঘৰৰ নেতিবাচক শক্তি আঁতৰ কৰে।
ধনতেৰাছৰ দিনা মানুহে বহুতো নতুন বস্তু ক্ৰয় কৰে, য’ত লোহা ধাতুও থাকে। এই দিনত লোহা ক্ৰয় কৰাটো শুভ বুলি গণ্য কৰা নহয়। ধনতেৰাছৰ দিনা কোনো লোৰ সামগ্ৰী কিনিব নালাগে। ই আপোনাৰ ক্ষতি কৰিব পাৰে। ধনতেৰাছত এলুমিনিয়ামৰ বস্তু ক্ৰয় কৰাটোও পৰিহাৰ কৰিব লাগে। আনহাতে গ্লাছ বা কাঁচৰ সম্পৰ্ক ৰাহু গ্ৰহৰ লগত। ধনতেৰাছৰ দিনত কাঁচৰ বস্তু কিনিব নালাগে। অন্যথা আপোনাৰ ক্ষতি হ’ব পাৰে।