নিয়মীয়া বাৰ্তা, ৭ ফেব্ৰুৱাৰীঃ প্ৰথম মহিলা মহাকাশচাৰী দলক প্ৰতিনিধিত্ব কৰা আমেৰিকাৰ মহাকাশচাৰী ক্ৰিষ্টিনা কোচ (Christina Koch) বৃহস্পতিবাৰে কাজাকিস্তানত উপস্থিত হয়হি ।
উত্তৰ কাৰোলিনাত জন্মলাভ কৰা ক্ৰিষ্টিনাই ২০১৩ চনত নাছাৰ মহাকাশচাৰী দলত যোগদান কৰিছিল ।
দীর্ঘদিন মহাকাশত অৱস্থান কৰাৰ অভিলেখ সৃষ্টিকাৰী ক্ৰিষ্টিনাৰ এই মিচনে গৱেষকসকলক কেনেকৈ কম ওজনহীনতাত আৰু কম বিকিৰণে মহিলাৰ শৰীৰক প্রভাৱিত কৰে সেই সম্পর্কে মূল্যবান তথ্য যোগান ধৰিব ।
ইপিনে পৃথিৱীপৃষ্ঠত উপস্থিত হৈয়ে তেওঁ অতি আনন্দিত আৰু গৌৰৱান্বিত বুলি মন্তব্য কৰে ।
উল্লেখ্য যে ৩২৮ দিন মহাকাশত থাকি ক্ৰিষ্টিনাই দীঘলীয়াকৈ মহাকাশত থকাৰ এক অভিলেখ গঢ়িবলৈ সক্ষম হয় ।
এই মহাকাশ যাত্ৰাত ৪১ বছৰীয়া ক্ৰিষ্টিনাই বহুকেইটা মিচনো সম্পন্ন কৰে । ইফালে ক্ৰিষ্টিনা হৈছে একক ভাৱে মহাকাশ অভিযানত যোৱা বিশ্বৰ প্ৰথমগৰাকী মহিলা আৰু আমেৰিকাৰ পৰা একক ভাৱে মহাকাশ যাত্ৰাত যোৱা দ্বিতীয়গৰাকী মহাকাশচাৰী ।
আনহাতে ক্ৰিষ্টিনাৰ এই সফল অভিযানক শুভেচ্ছা জ্ঞাপন কৰি আমেৰিকাৰ ৰাষ্ট্ৰপতি ড’নাল্ড ট্ৰাম্পে টুইট যোগে কয়- “আপুনি উঠি অহা যুৱতী মহিলাসকলক অনুপ্রাণিত কৰাৰ লগতে আমেৰিকাকো গর্বিত কৰি তুলিছে ।”
#CongratsChristina on completing your first journey into space!
? Longest single spaceflight in history by a woman
?? Second-longest single spaceflight by a U.S. astronaut
?️ Seventh on the list of American space travelers for total time in spaceMore: https://t.co/5PZlABW2Rq pic.twitter.com/zSpiikSUuT
— NASA (@NASA) February 6, 2020