বিবাহত বহিবলৈ সাজু হৈছে অষ্ট্ৰেলিয়াৰ ক্রিকেটাৰ গ্লেন মেক্সৱেল। দীর্ঘ দিনৰ প্ৰেমৰ অন্তত অহা ২৭ মার্চত বিয়া। মেক্সৱেলৰ বিয়াৰ নিমন্ত্রণী পত্র ছপোৱা হৈছে তামিল ভাষাত। সেয়া ইতিমধ্যেই ছচিয়েল মিডিয়াত ভাইৰেল হৈছে। মেক্সৱেলে বিয়া পাতিবলৈ ওলাইছে ভাৰতীয় বংশোদ্ভৱ বিনি ৰামনক। ২০২০ চনত কৰোনা অতিমাৰী আৰম্ভ হোৱাৰ ঠিক আগে আগে মেক্সৱেল আৰু বিনিৰ প্রেম আৰম্ভ হৈছিল। দুয়োৰে চিনা-পৰিচয় অৱশ্যে ২০১৭ চনত।
বহু সময়ত দুয়োকে একেলগে দেখা গৈছে। মেলবর্নৰ মেন্টন গার্লছ ছেকেণ্ডাৰী কলেজৰ পৰা চিকিৎসা বিজ্ঞানৰ স্নাতক বিনিয়ে পাছত মেলবর্নতেই চিকিৎসক হিচাপে কাম আৰম্ভ কৰে। তেওঁলোকৰ বিয়াৰ মাংগলিক অনুষ্ঠান তথা আঙুঠি পিন্ধোৱা অনুষ্ঠান ইতিমধ্যে সম্পন্ন হৈছে। অৱশ্যে মূল বিবাহখন কি প্ৰথাৰে হ’ব সেয়া এতিয়াও জানিব পৰা হোৱা নাই। আইপিএলত অষ্ট্ৰেলীয় অলৰাউণ্ডাৰজনক দেখা যাব ৰয়েল চেলেঞ্জাৰ্ছ বাংগালুৰুত। তেওঁক ১১ কোটি টকাৰ বিনিময়ত ৰাখিছে আৰচিবিয়ে।