নিয়মীয়া বাৰ্তা, ২৩ মেঃ কামৰূপ জিলাৰ ছয়গাঁও সমষ্টিৰ জাৰুৱাগাঁৱৰ নিবাসী তথা কলাগুৰু বিষ্ণু প্ৰসাদ ৰাভাৰ দীৰ্ঘদিনীয়া সতীৰ্থ ৰবীন্দ্ৰ ৰাভাৰ আজি দিনৰ প্ৰায় ১.৩০ বজাত নিজা বাসগৃহত ইহলীলা সম্বৰণ কৰে । মৃত্যুৰ সময়ত তেওঁৰ বয়স হৈছিল ১০৭ বছৰ । ৰবীন্দ্ৰ ৰাভা জনপ্ৰিয় খেলুৱৈ, নৃত্য প্ৰশিক্ষক আৰু বিবেক শিল্পী হিচাপে জনপ্ৰিয় আছিল । ৰবিন্দ্ৰ ৰাভাক কলাগুৰু বিষ্ণু প্ৰসাদ ৰাভাই “নাট চন্দ্ৰ” উপাধিৰে বিভূষিত কৰিছিল । তেওঁৰ মৃত্যুৰ খবৰ বিয়পি পৰাৰ লগে লগে আজি অসংখ্য গুণমুগ্ধই শ্ৰদ্ধাঞ্জলী জ্ঞাপন কৰে ।