নিয়মীয়া বাৰ্তা, ২৯ ফেব্রুৱাৰীঃ ভিন্ন ৰাজনৈতিক মতাদর্শৰ বাবে বিজেপিৰ সৈতে তৃণমূল কংগ্রেছৰ প্রায়ে সংঘাত সৃষ্টি হৈ আহিছে যদিও আজি একেখন টেবুলতে ভোজন কৰা দেখিবলৈ পোৱা গ’ল কেন্দ্রীয় গৃহমন্ত্রী অমিত শ্বাহ আৰু পশ্চিমবংগৰ মুখ্যমন্ত্রী মমতা বেনার্জীক৷ অমিত শ্বাহৰ সভাপতিত্বত ওড়িশাত অনুষ্ঠিত পূব মণ্ডল কাউঞ্চিলৰ ২৪ সংখ্যক বৈঠকত অংশ লৈছিল মমতা বেনার্জীৰ উপৰি ওড়িশাৰ মুখ্যমন্ত্রী নবীন পাটনায়ক, বিহাৰৰ মুখ্যমন্ত্রী নীতিশ কুমাৰ আৰু কেন্দ্রীয় মন্ত্রী ধর্মেন্দ্র প্রধানে৷ বৈঠকৰ পিছত মুখ্যমন্ত্রী পাটনায়কে তেওঁৰ ঘৰত আয়োজন কৰা মধ্যাহ্ণ ভোজন এই কেউজন ৰাজনৈতিক নেতাই একেখন টেবুলতে গ্রহণ কৰে৷ এই দৃশ্যৰ এখন ফটো পৰৱর্তী সময়ত মুখ্যমন্ত্রী পাটনায়কে টুইটাৰত আপলোড কৰে৷ উল্লেখ্য যে কেন্দ্রীয় চৰকাৰৰ এন আৰ চি, ‘কা’ৰ বিৰুদ্ধে তীব্র প্রতিবাদ কৰি আহিছে বংগৰ মুখ্যমন্ত্রী মমতা বেনার্জীয়ে৷