নিয়মীয়া বাৰ্তা, ২৩ জুলাইঃ ডিফুত বুধবাৰে বিয়লি সংঘটিত এটা বিধ্বংসী অগ্নি কাণ্ডত চহৰখনৰ শান্তিপট্টিৰ ৫০টাতকৈও অধিক ঘৰ জাহ যায়৷ বৈদ্যুতিক বিজুতিৰ বাবে সংঘটিত অগ্নিকাণ্ডৰ সূত্রপাত ঘটে বুলি সন্দেহ কৰা হৈছে৷
অগ্নিকাণ্ডৰ ফলত চাৰিটাকৈ ৰন্ধন গেছৰ চিলিণ্ডাৰ বিস্ফোৰণ ঘটাত জুয়ে বিধ্বংসী ৰূপ ধাৰণ কৰে৷ স্থানীয় লোক আৰু অগ্নিনির্বাপক বাহিনীৰ তৎপৰতাত নির্বাপিত হয় জুই৷ ঘটনাটোত ক্ষয়–ক্ষতিৰ পৰিমাণ বর্তমানেও জানিব পৰা হোৱা নাই ।