নিয়মীয়া বাৰ্তা, ১৬ ডিচেম্বৰঃ ৰাজ্যত নতুনকৈ ক’ভিডত আক্রান্ত হৈছে ১৪২গৰাকী লোক৷ মঙলবাৰৰ দিনটোত মুঠ ২৬,২৮৫টা নমুনা পৰীক্ষা সম্পন্ন কৰা হৈছে৷ আক্রান্তৰ হাৰ হৈছে ০.৫৪ শতাংশ৷ আক্রান্তসকলৰ ভিতৰত ৪৯গৰাকী কামৰূপ মহানগৰ জিলাৰ৷
আনহাতে, মঙলবাৰে ১০২গৰাকী লোক সুস্থ হৈ চিকিৎসালয়ৰ পৰা ঘৰলৈ উভতিছে৷ মঙলবাৰৰ দিনটোত ক’ভিডত আক্রান্ত হৈ মৃত্যু হৈছে এজন লোক৷ তেওঁ হৈছে কাছাৰৰ বিধু ভূষণ দেৱ (৬২)৷ ইয়াৰ লগে লগে ক’ভিডত মৃত্যু হোৱা মুঠ লোকৰ সংখ্যা হৈছে ১০০৪গৰাকী৷ আনহাতে, আক্রান্ত মুঠ ৰোগী ২,১৪,৯৪৫গৰাকী৷