নিয়মীয়া বাৰ্তা ২৪ ছেপ্টেম্বৰঃ সম্পূর্ণ নির্জীৱ হৈ যোৱা নাই ৰঙা গ্রহ মঙল৷ ৰঙা গ্রহৰ প্রাণৰ ৰক্তকণিকা বর্তমানো জীৱিত হৈ আছে৷ তাৰ বাবেই এই গ্রহত সঘনে অনুভূত হৈছে কম্পন৷ আমেৰিকাৰ মহাকাশ গৱেষণা সংস্থা নাছাই প্রেৰণ কৰা ৰ’ভাৰ ইনছাইটে এমাহৰ ভিতৰত তিনিবাৰকৈ মঙলৰ কম্পন ধৰা পেলাবলৈ সক্ষম হৈছে৷
দুদিনৰ ভিতৰত তিনিবাৰকৈ কম্পন অনুভূত হৈছে ৰঙা গ্রহত৷ লক্ষণীয়ভাৱে কম্পনৰ মাত্রা ইমানেই প্রবল আছিল যে একেৰাহে আধাঘণ্টা ধৰি গ্রহটো থৰ থৰকৈ কঁপিছে৷ মঙলৰ অভ্যন্তৰত থকা পাথৰবোৰৰ স্তৰৰ মাজত আৰম্ভ হয় এই কম্পন৷ কম্পনৰ ফলত ওপৰৰ স্তৰ তললৈ বহি গৈছে আৰু তলৰ স্তৰ উঠি আহিছে ওপৰলৈ৷
নির্জীৱ, নিষ্প্রাণ হ’লে সেয়া কেতিয়াও সম্ভৱ নহ’লহেঁতেন বুলি বিজ্ঞানীসকলে মতপোষণ কৰিছে৷ নাছাৰ তথ্য অনুসৰি যোৱা ২৫ আগষ্টৰ পৰা ১৮ ছেপ্ঢেম্বৰলৈ মঙলত তিনিটাকৈ কম্পন অনুভূত হৈছিল৷ এই কম্পনক কোৱা হয় ‘মার্চকুৱেক’৷ এই তিনিটা কম্পনৰ এটাৰ প্রাবল্য আছিল ৪.১৷ আন দুটাৰ প্রাবল্য ৪.২ আছিল বুলি ইতিমধ্যে ইনছাইটৰ ছিচ’মিটাৰে ধৰা পেলাইছে৷
মঙলৰ এই কম্পনক লৈ জ্যোতির্বিজ্ঞানীসকলৰ্ মাজত সৃষ্টি হৈছে কৌতূহল৷ কাৰণ পৃথিৱীৰ দৰে মঙলৰ বক্ষত নাই কোনোধৰণৰ টেক্টনিক প্লেট৷ পূর্বৰ সাগৰ, মহাসাগৰ, বিশাল জলাশয়বোৰ শুকাই গৈছে৷ মঙলৰ বক্ষত আছে এতিয়া মাথোঁ শিলাস্তৰ৷ তথাপি এনে ঘন ঘন কম্পনাংকৰ কাৰণ কি? একাংশ গৱেষকৰ মতে, সূর্যৰ বিভিন্ন ক্রিয়াৰ ফলত মঙলত এনে ঘন ঘন কম্পনাংকৰ সৃষ্টি হ’ব পাৰে৷ কিন্তু সেয়াও প্রামাণিক সত্য নহয়৷