নিয়মীয়া বাৰ্তা,৩ মাৰ্চ: অইল ইণ্ডিয়া লিমিটেডৰ আৱাসিক মুখ্য বিষয়া প্ৰশান্ত বৰকাকতীলৈ ৱৰ্ল্ড এইচ আৰ ডি কংগ্ৰেছে “আদৰ্শ নেতা” সন্মান আগবঢ়াইছে । সদ্য সমাপ্ত ৱৰ্ল্ড এইচ আৰ ডি কংগ্ৰেছৰ ৩১ সংখ্যক সংস্কৰণত অইলৰ আবাসিক বিষয়াগৰাকীক ব্যক্তিগত শাখাত এই বঁটাৰে সন্মানীত কৰে। আজি দুলীয়াজানৰ ক্ষেত্ৰীয় মুখ্য কাৰ্যালয়ত অনুষ্ঠিত এক পৰ্যালোচনা বৈঠকতে ক্ষেত্ৰীয় মুখ্য কাৰ্যালয়ৰ সমূহ বিভাগীয় মুৰব্বীৰ উপস্থিতিত কাৰ্যবাহী সঞ্চালক (মানৱ সম্পদ আৰু প্ৰশাসন) ৰাজীৱ বৰুৱাই আবাসিক বিষয়াগৰাকীক এই বঁটা প্ৰদান কৰে । উল্লেখ্য যে ব্যতিক্ৰমী নেতৃত্ব আৰু সকলোকে অনুপ্ৰেৰণা আৰু উৎসাহ যোগোৱা ইতিবাচক আৰু সন্মিলিত কৰ্ম পৰিৱেশ গঢ়ি তোলাৰ অক্লান্ত প্ৰচেষ্টাৰ ফচল হিচাপে প্ৰশান্ত বৰকাকতীয়ে এই সন্মান লাভ কৰিবলৈ সক্ষম হৈছে । তেখেতে এই বঁটা গ্ৰহণ কৰি অইল ইণ্ডিয়া লিমিটেডৰ সমূহ কৰ্মচাৰীক তেওঁলোকৰ দায়বদ্ধতা আৰু কঠোৰ পৰিশ্ৰমৰ বাবে উচৰ্গা কৰা বুলি মন্তব্য কৰে।
কৃষ্ণা গগৈ