নিয়মীয়া বাৰ্তা, ১৩ জানুৱাৰীঃ সোমবাৰে এআইইউডিএফে অসম বিধান সভাৰ বাহিৰত বহি নাগৰিকত্ব সংশোধনী আইনৰ বিৰোধিতাৰে প্ৰতিবাদ সাব্যস্ত কৰে ।
দলটোৰ নেতাসকলে উল্লেখ কৰি কয় যে আজিৰ এই বিশেষ অধিৱেশনত কা’ৰ ওপৰত তেওঁলোকৰ দাবীসমূহ মানি লোৱা নাই । যাৰ বাবে তেওঁলোকে এনেদৰে প্ৰতিবাদ কৰিবলৈ বাধ্য হয় ।
এআইইউডিএফৰ বিধায়ক ৰফিকুল ইছলামে কয় যে “আমি পুনৰ এক বিশেষ অধিবেশন আৰু অধিৱেশনখন এদিনলৈ বৃদ্ধিৰ বাবে দাবী কৰিছিলো, কাৰণ অসমৰ জনসাধাৰণ কা’ক লৈ অসন্তুষ্ট । কিন্তু চৰকাৰে আমাৰ দাবী মানি নল’লে । সেইবাবে আমি বিধানসভাৰ মূল প্ৰৱেশদ্বাৰ অবৰোধ কৰি এই প্ৰতিবাদ কৰিছো ।”
উল্লেখ্য যে আজি অসম বিধানসভাৰ বিশেষ অধিৱেশন অনুষ্ঠিত হৈছিল । আনফালে সদনৰ আৰম্ভণিতে বিৰোধীয়ে ৰাজ্যপালৰ ভাষণৰ মাজতে উত্তাল কৰি তোলাত ৰাজ্যপালে ভাষণ আধাতে সামৰিব লগীয়া হয় ।