নিয়মীয়া বাৰ্তা ৫ মাৰ্চঃ নিশা গৌৰীসাগৰ আৰক্ষীৰ অভিযানত ৩৭ নং ৰাষ্ট্ৰীয় ঘাইপথত জব্দ এখন কাঠভৰ্তি ট্ৰাক । জোনাইৰ পৰা বঙাইগাঁৱলৈ AS 01JC 8274 নম্বৰৰ ট্ৰাকখনত সৰবৰাহ কৰা অৱস্থাত জব্দ কৰা হয় গাড়ী সহ কাঠখিনি । অবৈধভাৱে সৰবৰাহ কৰাৰ সন্দেহত গৌৰীসাগৰ আৰক্ষীয়ে জব্দ কৰিছে এই ট্ৰাকখন । গাড়ী চালকৰ ভাষ্য অনুসৰি মৰাণত সাধাৰণ পোছাকত থকা কোনো লোকে গাড়ীখনৰ নথি-পত্ৰ বিচাৰিছিল যদিও চালকে গাড়ী নৰখাই ৰাওনা হয় । ফলত সেই লোককেইজনৰ অভিযোগ অনুসৰি গৌৰীসাগৰ আৰক্ষীয়ে জব্দ কৰি ট্ৰাকখন । কাঠখিনি মনোৰঞ্জন গোঁহাই নামৰ কোনো ব্যৱসায়ীৰ বুলি প্ৰকাশ কৰিছে চালকজনে । ট্ৰাকখনত বিশ লক্ষাধিক টকাৰ কাঠ থকাৰ সন্দেহ কৰা হৈছে যদিও আৰক্ষীৰ পৰৱৰ্তি অনুসন্ধানতহে প্ৰকৃত তথ্য পোহৰলৈ আহিব ।