নিয়মীয়া বাৰ্তা, ১৬ ফেব্ৰুৱাৰীঃ অসমবাসীৰ বাবে সুখবৰ। কলকাতাত মুকলি হ’ল অসম ভৱন। ৰাজ্যৰ গড়কাপ্টানী বিভাগে ২৫ কোটি টকা ব্যয় সাপেক্ষে নিৰ্মাণ কৰি উলিওৱা অসম ভৱনটো আজি আনুষ্ঠানিকভাৱে মুকলি কৰে মুখ্যমন্ত্ৰী সৰ্বানন্দ সোণোৱালসহ মন্ত্ৰী ড০ হিমন্ত বিশ্ব শৰ্মাই।
নৱ নিৰ্মিত অসম ভৱনটো উদ্বোধন কৰি মন্ত্ৰী হিমন্ত বিশ্ব শৰ্মাই কয় যে কলকাতাত আন এটা অসম ভৱনৰ প্ৰয়োজনীয়তা অসমবাসীয়ে অনুভৱ কৰি আছিল। আমাৰ চৰকাৰৰ কাৰ্যকালতে ৰাজ্যৰ বিভিন্ন প্ৰান্তত আৰু ৫টা অসম ভৱন নিৰ্মাণৰ কাম হাতত লোৱা হৈছে। দিল্লীৰ দ্বাৰকাতো নিৰ্মাণ কৰা হ’ব আন এটা অসম ভৱন। অসমবাসীৰ সুবিধাৰ্থে আমাৰ চৰকাৰে প্ৰায় ২-৩ বছৰৰ ভিতৰত সম্পূৰ্ণ কৰিব এই কাৰ্য।
