নিয়মীয়া বাৰ্তা, ২৩ জানুৱাৰীঃ গোৱালপাৰাত অব্যাহত আছে চোৰাং কাঠৰ ৰমৰমীয়া বেহা । আজি পুৱা কৃষ্ণাই বন বিভাগে চোৰাং কাঠ ব্যৱসায়ীৰ বিৰুদ্ধে অভিযান চলায় জব্দ কৰিবলৈ সক্ষম হয় বহু পৰিমাণৰ কাঠ । এই অভিযানৰ সময়ত গৰিয়া ঝাৰৰ পথত শাল গছৰ কুণ্ডা ভৰ্তি এখন পিকআপ ভান জব্দ কৰে বন বিভাগে ।
বনবিভাগৰ এই অভিযানত পিকআপ ভানৰ চালক জন পলাই যাবলৈ সক্ষম হয় । এক বিশেষ সূত্ৰৰ পম খেদি কৃষ্ণাই বন কৰ্মী সকলে অসম-মেঘালয় সীমান্তত চোৰাং কাঠ ব্যৱসায়ীৰ বিৰুদ্ধে আজি পুৱাই আৰম্ভ কৰিছিল অভিযান । বন বিভাগৰ লোকে গৰিয়া ঝাৰ পথত জব্দ কৰিবলৈ সক্ষম হোৱা কাঠ ভৰ্তি বাহনখন কৃষ্ণাই বন বিভাগৰ কাৰ্যালয়লৈ লৈ আহে ।