নিয়মীয়া বাৰ্তা, ১৫ এপ্ৰিলঃ ব্যতিক্ৰমী কাৰ্যসূচীৰে ৰঙালী বিহু উদযাপন কৰিলে চাংসাৰী আঞ্চলিক ৰঙালী বিহু সন্মিলনীয়ে । চাংসাৰী আঞ্চলিক ৰঙালী বিহুৰ সন্মীলনীৰ এক মন পৰসা কাৰ্যসূচীয়ে উৎসাহিত কৰিছে জৰুৰীকালীন সেৱাত জড়িত প্ৰতিজন ব্যক্তিক । ৬১ সংখ্যক বিহুৰ পতাকা উত্তোলনেৰে সন্মিলনীয়ে বিহু সামৰণি মাৰে যদিও ইয়াৰ পিছতে গ্ৰহণ কৰে এক ব্যতিক্ৰমী সম্বৰ্ধনা অনুষ্ঠানৰ ।
ক’ভিড-১৯ ৰ বিৰুদ্ধে ঘোষিত যুদ্ধৰ সৈনিক সদৃশ চিকিৎসক আৰু চিকিৎসা কৰ্মীক সম্বৰ্ধনা জ্ঞাপন কৰে বিহু সন্মলনীৰ কৰ্ম কৰ্তাই । চিকিৎসালয়ে চিকিৎসালয়ে গৈ চিকিৎসক-স্বাস্থ্যকৰ্মীক একোখনকৈ বিহুৱানেৰে জনাই সম্বৰ্ধনা । সমান্তৰালভাৱে দিন-ৰাতি একাকাৰ কৰি কৰ্তব্যত নিয়োজিত হৈ থকা আৰক্ষীৰ লোকসকলকো বিহু সন্মিলনীৰ কৰ্মকৰ্তাই ফুলাম গামোচাৰে সম্বৰ্ধনা জনায় ।
