নিয়মীয়া বাৰ্তা, ১১ এপ্ৰিলঃ ৰাজ্যত এতিয়াও অব্যাহত অবৈধ চোৰাং গৰুৰ সৰবৰাহ ৷ ৰূপহীহাট আৰক্ষীয়ে চোৰাং গৰু সৰবৰাহৰ বিৰুদ্ধে চলায় তীব্ৰ অভিযান ৷ এক গোপন সূত্ৰৰ পম খেদি ৰূপহীহাট থানাৰ ভাৰপ্ৰাপ্ত বিষয়া নীপু কলিতাৰ নেতৃত্বত এটা আৰক্ষীৰ দলে চলায় এই অভিযান ৷ আৰক্ষীৰ এই অভিযানত এখন গৰুভৰ্তি ট্ৰাক জব্দ কৰাৰ লগতে দুজন লোকক আটক কৰে ৷ জব্দকৃত ট্ৰাকখনত প্ৰায় ২০টা অবৈধ চোৰাং গৰু আছে বুলি জানিব দিয়ে আৰক্ষীয়ে ৷ ধৃত আটকাধীন জৰিঅ টাপ্পু আৰু শ্বাজাৰুল হক বুলি জানিব পৰা গৈছে ৷ চোৰাং গৰু সৰবৰাহ কাৰ্য্যত ব্যৱহৃত গাড়ীখনৰ নম্বৰ AS23BC5299 ৷ জব্দ কৰা গৰুকেইটাক ইতিমধ্যে গোশালাত প্ৰেৰণ কৰাৰ লগতে ধৃত আটকাধীন যুৱক দুজনক অধিক তথ্যৰ বাবে জেৰা অব্যাহত ৰাখিছে ৰূপহীহাট আৰক্ষীয়ে ৷
প্ৰেৰক জহিৰুল ইছলাম