নিয়মীয়া বাৰ্তা, ১১জুনঃ জীৱনগ্ৰাসী জুইৰ পাছত এতিয়া ভূমিকম্পৰ দৰে কঁপি উঠিছে বাঘজান। সঘনে কঁপি উঠিছে ঘৰ-দুৱাৰ বাজি উঠিছে বাচন-বৰ্তন। দুখে কুলাই পাচিয়ে নধৰা হৈছে ৰাইজক। সন্তানসহ নিশাই পলায়ন কৰিছে অঞ্চলটোৰ ৰাইজে। প্ৰায় ১২টা শিবিৰত থকা ৭ হাজাৰ লোকৰ আলৈ আথানি নোহোৱা হৈছে। অস্বাস্থ্যকৰ পৰিৱেশত দিন কটাইছে কণ কণ শিশুসহ ৰাইজে। তেলখাদৰ বিস্ফোৰণৰ পিছতেই হাহাকাৰ দেখিছে ৰাইজে। এযোৰ কাপোৰৰে ঘৰ-বাৰী এৰি পলাই অহা লোকসকলে ভোকে-পিয়াহে কষ্টকৰ দিন কটাইছে আশ্ৰয় শিবিৰত।