নিয়মীয়া বাৰ্তা ২১ মাৰ্চঃ ধেমাজী জিলাৰ জোনাই গিনে মহমৰা গাৱঁত নিৰ্মীয়মাণ পকী দলং এখনত বনুৱা হিচাপে কৰ্মৰত বৰপেটাৰ দুজন যুৱক ৰাহুল ইছলাম আৰু মিজানুৰ ৰহমানে কপলং মহমৰাৰ এগৰাকী কিশোৰীক কোনো ঔষধ সেৱন কৰাই অৰ্ধচেতন কৰি অপহৰণ কাণ্ড সংঘটিত কৰিছে। কিন্তু চিলাপথাৰ পৰিবহন বাচ আস্থানৰ সমীপত দুজন যুৱকৰ সৈতে এগৰাকী অৰ্ধচেতন অৱস্থাৰ এগৰাকী কিশোৰীক দেখি স্থানীয় ৰাইজে সোধা পোচা কৰোতে সন্দেহ হোৱাত ৰাইজে তিনিওকে চিলাপথাৰ আৰক্ষীক গতাই দিয়ে।
অৰ্ধচেতনা কিশোৰীগৰাকীক উন্নত চিকিৎসাৰ বাবে জোনাইৰ পৰা ধেমাজী অসামৰিক চিকিৎসালয়লৈ প্ৰেৰণ কৰা হৈছে। সম্প্ৰতি অপহৰণকাৰী দুই যুৱক বৰ্তমান জোনাই আৰক্ষীৰ জিম্মাত ।