নিয়মীয়া বার্তা, ২৪ এপ্রিলঃ বৃহস্পতিবাৰে বিয়লি দেৰগাঁৱৰ ৰঙামাটিত ৩৭নং ৰাষ্ট্রীয় ঘাইপথত সংঘটিত এটা শোকাৱহ দুর্ঘটনাত মুন্না মুডি নামৰ এজন যুৱকৰ মৃত্যু হয় ৷ স্থানীয় লোকে জানিবলৈ দিয়া মতে, যুৱকজনে ৰাজপথৰ কাষত টিক্টক ভিডি’ বনাই থকা অৱস্থাতে আৰক্ষীৰ গাডী দেখি দৌৰি পলাব খোজোতেই বিপৰীত দিশৰ পৰা অহা এখন বাইকে খুন্দিওৱাৰ ফলত এই শোকাৱহ ঘটনাটো সংঘটিত হয় ৷ আনহাতে বাইক আৰোহী দুগৰাকীও গুৰুতৰভাৱে আহত হয় বুলি জানিব পৰা গৈছে ৷ পিছত দেৰগাঁও আৰক্ষীয়ে দুর্ঘটনাত মৃত্যুমুখত পৰা যুৱকজনৰ মৃতদেহ মৰণোত্তৰ পৰীক্ষাৰ বাবে গোলাঘাট কুশল কোঁৱৰ অসামৰিক চিকিৎসালয়লৈ প্রেৰণ কৰে ৷