নিয়মীয়া বাৰ্তা ২২ ফেব্ৰুৱাৰীঃ বকোৰ নাগ্রাপাৰত বৃহস্পতিবাৰে নিশা প্রায় ১২ বজাত এক গোপন সূত্রৰ খবৰৰ ভিত্তিত বন সুৰক্ষা বাহিনী আৰু বামুণীগাঁও বনাঞ্চলিক কার্যালয়ৰ বনকর্মীয়ে অভিযান চলাই ২০ টুকুৰা শাল, মাকৰি শালৰ কুণ্ডাৰ লগতে এখন ডি আই গাডী জব্দ কৰিবলৈ সক্ষম হয়৷ জব্দ কৰা কাঠখিনিৰ মূল্য প্রায় ডেৰ
লক্ষাধিক টকা৷ জব্দকৃত ডি আই বাহনখনৰ নম্বৰ হ’ল এ এছ ০১ ডিডি ৪৩১০৷ জব্দকৃত কাঠ আৰু গাডীখন সম্প্রতি বামুণীগাঁও বনাঞ্চলিক কার্যালয়ত ৰখা হৈছে৷ অলপতে জামবাৰী আৰক্ষী চকী আৰু বামুণীগাঁও বন সুৰক্ষা বাহিনীয়ে দেওচৰৰ পৰা ডেৰ লক্ষাধিক টকাৰ ফলা কাঠসহ এখন ডি আই গাডী জব্দ কৰিছিল৷