নিয়মীয়া বাৰ্তা, ২৪ ফেব্ৰুৱাৰীঃ সমাগত আই পি এলৰ বাবে ৰাজস্থান ৰয়েলছে গুৱাহাটীৰ বর্ষাপাৰা ষ্টেডিয়ামত প্রথমটো প্রস্তুতি শিবিৰত অংশ ল’ব৷ অহা ২৭, ২৮, ২৯ ফেব্রুৱাৰীত শিবিৰটো অনুষ্ঠিত হ’ব৷ দলটোৱে অনুশীলনৰ বাবে ২৬ ফেব্রুৱাৰীত গুৱাহাটীলৈ আহিব বুলি অসম ক্রিকেট সন্থাৰ সম্পাদক দেৱজিৎ শইকীয়াই প্রকাশ কৰে৷
অহা ১ মার্চৰ পৰা আই পি এলৰ গুৱাহাটীত অনুষ্ঠিত হ’বলগীয়া দুখন মেচৰ টিকট মুকলি হ’ব বুলিও তেওঁ জানিবলৈ দিয়ে৷ ইফালে, বি চি চি আই, ৰাজস্থান ৰয়েলছ আৰু আই এম জিৰ এটি প্রতিনিধি দলে কালি বর্ষাপাৰা ষ্টেডিয়ামৰ সামগ্রিক আন্তঃগাঁথনি পর্যবেক্ষণ কৰে৷ ষ্টেডিয়ামৰ নিৰাপত্তাৰ দিশ সন্দর্ভত তেওঁলোকে এ চি এৰ সৈতে আলোচনা কৰে৷