নিয়মীয়া বাৰ্তা, ২৯ নৱেম্বৰঃ অসম সাহিত্য সভাই ২০২০ বৰ্ষৰ ডঃ ইন্দিৰা গোস্বামী মামণি ৰয়ছম গোস্বামী ৰাষ্ট্ৰীয় বঁটা ঘোষণা কৰিছে । নুমলীগড় শোধনাগাৰৰ সহযোগত এই বঁটা প্ৰদান কৰা হ’ব বিশিষ্ট মাৰাঠী লেখক বিশ্বাস পাটিলক । বৃহস্পতিবাৰে এক সংবাদমেল যোগে এই কথা প্ৰকাশ কৰিছে সাহিত্য সভাৰ সভাপতি পৰমানন্দ ৰাজবংশীয়ে ।
এই বঁটাত আছে স্মাৰক, প্ৰশস্তি-পত্ৰ, গ্ৰন্থৰ টোপোলা, সম্বৰ্ধনা বস্ত্ৰ আৰু তিনিলাখ টকাৰ চেক । অসম সাহিত্য সভাই এই বঁটা ২ ফেব্ৰুৱাৰীত শুৱালকুছি অধিৱেশনত প্ৰদান কৰিব । উল্লেখ্য যে ইয়াৰ পূৰ্বে এই বঁটা বিশিষ্ট বাংলা সাহিত্যিক মহাশ্বেতা দেৱী, কন্নড় সাহিত্যিক এছ এল ভায়ৰাপ্পা আৰু ডঃ চন্দ্ৰশেখৰ কাম্বাড়ক প্ৰদান কৰা হৈছিল ।