নিয়মীয়া বাৰ্তা ১৪ এপ্ৰিলঃ মুখ্যমন্ত্ৰী সৰ্বানন্দ সোণোৱালৰ আহ্বানৰ প্ৰতি সঁহাৰি জনাই ৰাজ্যবাসীয়ে নিজ ঘৰৰ পদূলিত বন্তি জ্বলায়। লগতে ৰাইজে নেদেখা জনক সকলোৰে মংগলৰ কাৰণে প্ৰাৰ্থনা কৰে । মুখ্যমন্ত্ৰী সৰ্বানন্দ সোণোৱালেও নিজ পদূলিত বন্তি জ্বলোৱা দেখা গ’ল। মুখ্যমন্ত্ৰীৰ উপৰিও ৰাজ্যিক বিজেপিৰ সভাপতি ৰঞ্জিত দত্ত, সাংসদ তথা কেন্দ্ৰীয় মন্ত্ৰী ৰামেশ্বৰ তেলীয়েও নিজ পদূলিত চাকি জ্বলায় মুখ্যমন্ত্ৰী জনৰ আহ্বানক সঁহাৰি জনায়।
উল্লেখ্য যে মঙলবাৰে সন্ধিয়া ৰাজ্যবাসীক নিজ নিজ পদ্ধতিৰে এগছিকৈ বন্তি জ্বলাবলৈ আহ্বান জনাইছিল মুখ্যমন্ত্ৰী সৰ্বানন্দ সোণোৱাল। অসমীয়া নৱবৰ্ষৰ প্ৰথম দিনটোত সকলোৱে এগছি বন্তি জ্বলাই ভগৱানৰ ওচৰত প্ৰাৰ্থনা কৰাৰো আহ্বান কৰিছিল যাতে অসমখন সকলো সময়তে শক্তিশালী হৈ থাকে প্ৰতিজন লোক নিৰোগী হৈ থাকে লগতে ক’ৰোনা ভাইৰাছে সৃষ্টি কৰা অন্ধকাৰ বাতাবৰণৰ পৰা শীঘ্ৰে উদ্ধাৰ হ’ব পাৰে।