নিয়মীয়া বাৰ্তা ২৫ ফেব্ৰুৱাৰীঃ শিৱসাগৰত এখন চেভ্ৰ’লেট বিলাসী গাড়ী। ইয়াত আহিছে দুজন যুৱক। হয়তো চেভ্ৰ’লেটত গাড়ীত অহা বাবে বহুতে ভাবিব এওঁলোক অভিজাত্য ঘৰৰ যুৱক বুলি । কিন্তু সেই যুৱক দুজন অভিজাত্য ঘৰৰ নহয় বৰঞ্চ ছাগলী চোৰহে। শিৱসাগৰৰ প্ৰগতি চাৰিআলিত ছাগলী চোৰ কৰিবলৈ আহি ধৰা পৰিল দুটা চোৰ। গাড়ীৰ পিছ চিটত কঢ়িয়াই নিছিল চাৰিটা চুৰি ছাগলী | উল্লেখ্য যে AS 06 H 6482 নম্বৰৰ বাহনত আহিছিল ডিব্ৰুগড় আমোলাপট্টিৰ বাবু ৰহমান (৩২) আৰু বিতু আহমেদ ( ২৫) নামৰ দুই ছাগলী চোৰ | প্ৰগতি চাৰিআলিত চুৰি ছাগলী গাড়ীত ভৰাওঁতেই ৰাইজে খেদিলে দুই চোৰক। তাৰ পিছত কাথপাৰত ৰাইজে দই ছাগলী চোৰক কৰায়ত্ত কৰে। ৰাইজে উত্তম মাধ্যম দিয়ে দুই ছাগলী চোৰক। মূমুৰ্ষু অৱস্থাত দুই চোৰক উদ্ধাৰ কৰে আৰক্ষীয়ে। দুই চোৰক শিৱসাগৰ অসামৰিক চিকিৎসালয়ত ভৰ্তি কৰাইছে আৰক্ষীয়ে।