নিয়মীয়া বাৰ্তা, ১১ ডিচেম্বৰ : ৰূপহীহাটৰ বৰতলত আজি পুৱাৰ ভাগত এক ভয়ংকৰ পথ দুৰ্ঘটনা সংঘটিত হয় ৷ উক্ত পথ দুৰ্ঘটনাত ৪জনকৈ লোক আহত হয় ৷ আমবাগানৰ পৰা ৰূপহী অভিমুখে গৈ থকা অৱস্থাত বৰতলত নিয়ন্ত্ৰণ হেৰুৱাই ধানখেৰভৰ্তি বাহনখন বাগৰি পৰে পথৰ মাজত। নম্বৰ প্লেটবিহীন টাটা মেজিক বাহনখনে অধিক মাল বহন কৰাত নিয়ন্ত্ৰণ হেৰুৱাই বাগৰি পৰাত আহত হয় চাৰিজনকৈ লোক। স্থানীয় ৰাইজৰ তৎপৰতাত আহতসকলক শিঙিমাৰী প্ৰাথমিক স্বাস্থ্যকেন্দ্ৰত ভৰ্তি কৰোৱা হয়। ঘটনাস্থলীত ৰূপহীহাট আৰক্ষী উপস্থিত হৈ তদন্ত আৰম্ভ কৰে ৷
প্ৰেৰক জহিৰুল ইছলাম