নিয়মীয়া বাৰ্তা, ১০ জুনঃ আজি সতীৰ্থ মন্ত্ৰী পীযুষ হাজৰিকা, স্বাস্থ্য বিভাগৰ প্ৰধান সচিৱ সমীৰ সিনহা আৰু ৰাষ্ট্ৰীয় স্বাস্থ্য অভিযান, অসমৰ বিষয়াসকলৰ সৈতে এন এইচ্ এমৰ কাৰ্যালয়ত ৰাজ্যত কোভিড-১৯ নিয়ন্ত্ৰণ সম্বন্ধীয় এখন পৰ্যালোচনা বৈঠকত মিলিত হয় স্বাস্থ্যমন্ত্ৰী ড০ হিমন্ত বিশ্ব শৰ্মা ৷
এই সন্দৰ্ভত স্বাস্থ্যমন্ত্ৰীগৰাকীয়ে টুইটযোগে কয় যে- “জিলাসমূহৰ পৰা আমি নিয়মিতৰূপত তথ্য লাভ কৰি আছোঁ ৷ ইয়ে যাৱতীয় পদক্ষেপ তথা ব্যৱস্থা গ্ৰহণত আমাক যথেষ্ট সহায় কৰিছে ৷”
উল্লেখ্য যে, বৰ্তমানলৈকে ৰাজ্যত কোভিড-১৯ ত আক্ৰান্ত লোকৰ সংখ্যা হৈছে- ৩০৯২ জন লগতে সম্প্ৰতি ১৯৮৭ গৰাকী এনে ৰোগী চিকিৎসাধীন হৈ আছে ।