নিয়মীয়া বাৰ্তা, ২৫জুনঃ ভৱিষ্যতে এজন সুদক্ষ চিকিৎসক হোৱাৰ মন বিজ্ঞান শাখাত প্ৰথম স্থানপ্ৰাপ্ত অবিনাশ কলিতাৰ। ইতিমধ্যে সকলোধৰণৰ প্ৰস্তুতি অব্যাহত ৰাখিছে মেধাৱী ছাত্ৰজনে। বৰপেটাৰ আনন্দৰাম বৰুৱা একাডেমীৰ ছাত্ৰ অবিনাশে হাইস্কুল শিক্ষান্ত পৰীক্ষাতো ৰাজ্যৰ ভিতৰতে স্থান লাভ কৰিবলৈ সক্ষম হৈছিল। ৪৮৬ নম্বৰৰে প্ৰথমস্থানসহ গৌৰৱ কঢ়িয়াই অনা ছাত্ৰজনৰ এই সফলতাত ইতিমধ্য়ে আনন্দৰ বন্যা বৈছে বৰপেটালৈ।
মেধাৱী ছাত্ৰজনৰ এই সফলতাৰ আঁৰত তেওঁৰ পিতৃ-মাতৃকে ধৰি পৰিয়ালৰ সকলো সদস্য। নিজকে এজন সু-নগাৰিকৰ ওপৰিও চিকিৎসক হোৱাৰ সপোন পুহি ৰাখিছে অবিনাশে। অবিনাশৰ এই যাত্ৰা সফল হওঁক তাৰেই কামনা কৰিছে সকলোৱে।