নিয়মীয়া বাৰ্তা ১৬ মাৰ্চঃ ৰাইজৰ দলৰ সম্পাদিকা, অভিনেত্রী জেৰিফা ৱাহিদে আজি যোগদান কৰে অসম জাতীয় পৰিষদত৷ অজাপৰ সভাপতি লুৰিণজ্যোতি গগৈৰ উপস্থিতিত দলটোত যোগদান কৰি তেওঁ কয় যে ৰাইজৰ দলত থাকি কাম কৰাত কিছু অসুবিধা সৃষ্টি হৈছিল৷ যাৰ বাবে তেওঁ অসম জাতীয় পৰিষদত যোগদানৰ সিদ্ধান্ত লয়৷ কিন্তু দুয়োটা দলৰ মাজত কোনো মতানৈক্য নাই৷ ৰাইজৰ দল আৰু অসম জাতীয় পৰিষদৰ প্রার্থীসকল জিকি অহাটোৱে তেওঁ বিচাৰে৷ ইফালে ৰাইজৰ দলে দলগাঁও, ভৱানীপুৰ নাইবা সৰুক্ষেত্রীত প্রতিদ্বন্দ্বিতাৰ প্রস্তাৱ দিছিল যদিও অভিনেত্রীগৰাকীয়ে নিজে সন্মতি নিদিয়া বুলি উল্লেখ কৰে৷ আজি পূব গোৱালপাৰাৰ প্রাক্তন বিধায়ক গিয়াছুদ্দিন আহমেদৰ পুত্র ড০ আনিশ্বেখ আহমেদ আৰু অসম ফুটবল সন্থাৰ যুটীয়া সম্পাদক আমবৃত শর্মায়ো অসম জাতীয় পৰিষদত যোগদান কৰে৷