নিয়মীয়া বাৰ্তা ১৫ নৱেম্বৰঃ ৰাজ্যৰ অভিযান্ত্রিক মহাবিদ্যালয়সমূহৰ্ কাৰিকৰী আৰু অকাৰিকৰী সহকাৰী অধ্যাপক আৰু লাইব্রেৰীয়ান পদৰ নিযুক্তিৰ বাবে অনুষ্ঠিত কৰিবলগীয়া সাক্ষাৎকাৰ পিছুৱাই দিছে অসম লোকসভা আয়োগে৷ আয়োগৰ উপ–সচিবে প্রকাশ কৰা এখন নির্দেশনা অনুসৰি পৰৱর্তী সময়ত নির্ধাৰণ কৰা হ’ব এই পদসমূহৰ সাক্ষাৎকাৰৰ দিন৷
আজিৰে পৰা ২৬ নৱেম্বৰলৈ এই পদসমূহৰ বাবে সাক্ষাৎকাৰ অনুষ্ঠিত হোৱাৰ কথা আছিল৷ ২০১৭ চনৰ ২৫ মে’তে এই পদসমূহৰ নিযুক্তিৰ বাবে বিজ্ঞাপন প্রকাশ কৰা হৈছিল৷ শেহতীয়াকৈ এই পদসমূহক লৈ গুৱাহাটী উচ্চ ন্যায়ালয়ত এটা গোচৰ ৰুজু হোৱাৰ পৰিপ্রেক্ষিতত এই পদসমূহৰ সাক্ষাৎকাৰৰ দিন পিছুৱাই দিয়া হৈছে৷ উল্লেখ্য যে অসম লোকসেৱা আয়োগে অনুষ্ঠিত কৰিবলগীয়া এই পদসমূহত নিযুক্তি প্রদান কৰিব উচ্চ শিক্ষা বিভাগে৷ সঘনাই বিতর্কৰ আৱর্তত সোমাই পৰা আয়োগে পুনৰ সাক্ষাৎকাৰ পিছুৱাই দিয়া কার্যত আশাহত হৈ পৰিছে একাংশ প্রার্থী৷