নিয়মীয়া বার্তা, ১৭ মেঃ ম্যানমাৰৰ কাৰাগাৰত বন্দী হৈ থকা উত্তৰ–পূবৰ ২২জন বিদ্রোহী সদস্যক শুকুৰবাৰে দেশখনৰ সেনা বাহিনীয়ে ভাৰত চৰকাৰক হস্তান্তৰ কৰাৰ পাছত অসম চৰকাৰে এন ডি এফ বি (স) গোটৰ ৫ জন আৰু কেএনএল’ সংগঠনটোৰ ৫জন সদস্যক শনিবাৰে নিজৰ জিম্মালৈ আনিছে৷
মণিপুৰৰ পৰা সদস্যকেইজনক আজি অসম আৰক্ষীয়ে আনি ১৪ দিন কোৱাৰেণ্টাইন কৰিছে৷ উল্লেখ্য যে বিগত বর্ষত ম্যানমাৰ সেনা বাহিনীয়ে দেশখনত আশ্রয় লৈ থকা বিদ্রোহী সংগঠনসমূহৰ বিৰুদ্ধে অভিযান চলাই শিবিৰসমূহ উৎখাত কৰাৰ লগতে বহু সদস্যক গ্রেপ্তাৰ কৰিছিল৷
দেশখনত কাৰাবন্দী হৈ থকা বিদ্রোহী সদস্যসকলক ভাৰত চৰকাৰৰ সৈতে হোৱা আলোচনামর্মে ম্যানমাৰে সদস্যকেইজনক গতাই দিয়ে৷