বন্দে ভাৰত মিছন ৰ কৰ্তব্য সম্প্রদানৰ মাজতে ক’ভিড ত আক্ৰান্ত এয়াৰ ইণ্ডিয়া ত কৰ্মৰত মৰিগাঁওৰ যুৱতী
নিয়মীয়া বাৰ্তা ৩ জুলাইঃ ক’ভিড ৰ আতংকৰ মাজতে একাংশ লোকে নিজৰ কৰ্তব্য পালন কৰি ক’ভিড ৰ দ্বাৰা আক্ৰান্ত হ’ব লগীয়া হৈছে। ভাৰত চৰকাৰৰ বন্দে ভাৰত মিছন ৰ অধীনত এয়াৰ ইন্ডিয়াই বিদেশৰ বহু ৰাষ্ট্ৰত উদ্ধাৰকাৰী বিমান প্ৰেৰণ কৰি ভাৰতীয় সকলক দেশলৈ উভতাই আনিছিল। 
আৰু তেনে বহু কেইখন বিমান ফ্লাইট এটেডেন্ট ৰূপে সেৱা আগবঢ়াইছিল মৰিগাঁও কৰিশ্মা পাতৰে। কেবাখনো দেশলৈ উদ্ধাৰকাৰী বিমানত যোৱা কৰিশ্মা শেহতীয়াকৈ ক’ভিড ত আক্ৰান্ত হৈছে। বৰ্তমান এয়াৰ ইণ্ডিয়াৰ তত্বাৱধানত কৰিশ্মা মুম্বাইত চিকিৎসাধীন হৈ আছে। কৰিশ্মাই নিয়মীয়া বার্তা ক জনাইছে যে এই সংকটৰ সময়ত তেওঁ মনোবল হেৰুৱা নাই আৰু তেওঁ ক’ৰোনাৰ সৈতে যুঁজি যাব।