নিয়মীয়া বাৰ্তা, ৫ ফেব্ৰুৱাৰীঃ বিশ্বনাথৰ বন বিভাগৰ চৰম সাফল্য। আজি অৰুণাচলত নাহৰলগুণৰ পৰা গ্ৰেপ্তাৰ কৰে গঁড়ৰ খৰ্গৰ এগৰাকী কুখ্যাত চোৰাং সৰবৰাহকাৰীক।
বিশ্বনাথৰ অপৰাধ অনুসন্ধান বনাঞ্চলিক কাৰ্যালয়ৰ বিষয়া আৰু অৰুণাচল আৰক্ষীয়ে যুটীয়া অভিযান চলাই গ্ৰেপ্তাৰ কৰে জবি গাডী নামৰ কুখ্যাত চোৰাং ব্যৱসায়ীজনক।
মোষ্ট ৱাণ্টেড জবি গাডী গঁড়ৰ খৰ্গৰ কেইবাটাও চোৰাং সৰবৰাহৰ সৈতে জড়িত আছিল। ২০১১ চনৰ পৰা খৰ্গৰ চোৰাং সৰবৰাহৰ সৈতে জড়িত থকা গাডীয়ে কাজিৰঙাত চোৰাংচিকাৰীয়ে গঁড় নিধন কৰি নিয়া প্ৰায়ভাগ খৰ্গই নিজে ক্ৰয় কৰি মণিপুৰ আৰু আন্তঃৰাষ্ট্ৰীয় চোৰাং বজাৰলৈ সৰবৰাহ কৰিছিল। জবি গাডীক বন আৰক্ষীয়ে সোধা-পোছা অব্যাহত ৰাখিছে।