নিয়মীয়া বাৰ্তা, ১ মাৰ্চঃ ধুবুৰীৰ তেতুলতলাস্থিত থকা বিজেপিৰ জিলা কাৰ্যালয়ত বিজেপিয়ে এখন সংবাদ মেলযোগে ২০২২ চনৰ পৌৰসভা নিৰ্বাচনৰ সংকল্প পত্ৰ আনুষ্ঠানিকভাৱে উন্মোচন কৰা হয়। সেই উপলক্ষে আয়োজিত এখন সংবাদ মেলযোগে দলীয় সংকল্প পত্ৰ উন্মোচন কৰে ধুবুৰী জিলা বিজেপিৰ ভাৰপ্ৰাপ্ত সভাপতি প্ৰসেনজিৎ দত্তই। সংকল্প পত্ৰখনত প্ৰতিখন চহৰৰ আন্তঃগাঁথনি উন্নয়ন, ২৪ ঘন্টাই অবিৰত পানী যোগান, স্বচ্ছতা আৰু আৱৰ্জনাৰ সুব্যৱস্থাপনা, ষ্ট্ৰীট লাইট আৰু আলোকসজ্জা, পাৰ্কিং আস্থানৰ সুবিধা, উদ্যান খেলপথাৰ ষ্টেডিয়াম প্ৰতিষ্ঠা, কৃত্ৰিম বানৰ পৰা মুক্তি, ডিজিটেল প্লেটফৰ্মৰ যোগেদি সেৱা আদি বিভিন্ন বিষয়ৰ ওপৰত আলোকপাত কৰা হৈছে বুলি সংবাদ মেলখনত উল্লেখ কৰে ভাৰপ্ৰাপ্ত সভাপতি দত্তই। আজিৰ এই সংকল্প পত্ৰ উন্মোচনী কাৰ্যসূচীত বিজেপিৰ জ্যেষ্ঠ নেতা বিমল কুমাৰ ওচৱাল, ডা৹ দেৱময় সান্যাল প্ৰমুখ্যে অইন কেইবাগৰাকী জ্যেষ্ঠ নেতা আৰু দলীয় কাৰ্যকৰ্তা উপস্থিত আছিল।
প্ৰেৰক অমিতাভ চক্ৰৱৰ্তী