নিয়মীয়া বাৰ্তা ২৩ মাৰ্চঃ অসম, পশ্চিম বংগকে ধৰি দেশৰ পাঁচখন ৰাজ্যত অনুষ্ঠিত হ’ব বিধানসভা নিৰ্বাচন। মঙলবাৰে ভাৰতীয় জনতা পাৰ্টিয়ে অসম বিধানসভা নিৰ্বাচনৰ বাবে ইয়াৰ নিৰ্বাচনী ইস্তাহাৰ জাৰি কৰিছে।
বিজেপিয়ে অসমৰ বাবে এই ইস্তাহাৰত ২ লাখ যুৱকক চৰকাৰী আৰু ৮ লাখ যুৱকক ব্যক্তিগত খণ্ডত চাকৰি প্ৰদান কৰাৰ প্ৰতিশ্ৰুতি দিছে। লগতে উচ্চতম ন্যায়ালয়ৰ আদেশৰ অধীনত এন আৰ চি ৰূপায়ণ কৰাৰ প্ৰতিশ্ৰুতি দিছে।
আজি বিজেপিৰ ৰাষ্ট্ৰীয় সভাপতি জে পি নাড্ডাই ইস্তাহাৰ জাৰি কৰি কয় যে অসমত পুনৰ বিজেপি চৰকাৰ শাসনলৈ আহিলে অনুপ্ৰৱেশকাৰীক বিতাৰিত কৰি উচ্চতম ন্যায়ালয়ৰ নিৰ্দেশ অনুসৰি এন আৰ চি ৰূপায়ণ কৰা হ’ব। লগতে ৰাজ্যৰ উদ্যোগসমূহক উন্নীত কৰা হ’ব।
জে পি নাড্ডাই পুনৰ কয় যে পাঁচ বছৰ পূৰ্বে অসমত বহুতো প্ৰত্যাহ্বান আছিল, যিবোৰ প্ৰত্যাহ্বান এনডিএ চৰকাৰখনে সন্মুখীন হৈছে। কিন্তু এনডিএ চৰকাৰে সেই সমস্যাবোৰ সমাধান কৰিছে আৰু অসমক বিকাশৰ দিশত অগ্ৰসৰ কৰিছে।
BJP national president JP Nadda releases party manifesto for #AssamAssemblyElections2021
Union Agriculture Minister Narendra Singh Tomar, Assam CM Sarbananda Sonowal and state Minister Himanta Biswa Sarma are also present. pic.twitter.com/AOXpkmXXbp
— ANI (@ANI) March 23, 2021
বিজেপিৰ নিৰ্বাচনী প্ৰতিশ্ৰুতিসমূহ…
- বানপানীৰ সমস্যা দূৰ কৰাত সহায় কৰিবলৈ, আমাৰ চৰকাৰে ব্ৰহ্মপুত্ৰ নদীৰ চাৰিওফালে বৃহৎ জলাশয় নিৰ্মাণ কৰিব।
- অৰুণোদই আঁচনিৰ অধীনত প্ৰতি মাহে ৩,০০০ টকাৰ বিত্তীয় সহায় প্ৰদান কৰা হ’ব।
- ২ লাখ যুৱক-যুৱতীক চৰকাৰী আৰু ৮ লাখক ব্যক্তিগত খণ্ডত চাকৰি প্ৰদান কৰাৰ প্ৰতিশ্ৰুতি।
- অনুপ্ৰৱেশকাৰীক বিতাৰিত কৰাৰ বাবে উচ্চতম ন্যায়ালয়ৰ নিৰ্দেশ অনুসৰি এন আৰ চি ৰূপায়ণ কৰা হ’ব।
- ৰাজ্যৰ উদ্যোগসমূহক উন্নীত কৰা হ’ব।
- মিছন শিশু উন্নীতকৰণঃ আমি শিশুৰ ভাল শিক্ষাৰ প্ৰতি প্ৰতিশ্ৰুতিবদ্ধ। শিশুসকলক বিনামূলীয়াকৈ উচ্চ মানদণ্ডৰ শিক্ষা প্ৰদান কৰা হ’ব।
- ৮ম শ্ৰেণীৰ পিছত, স্কুল এৰি যোৱা প্ৰতিহত কৰিবলৈ চাইকেল দিয়া হ’ব।
BJP National President Shri @JPNadda releases BJP’s ‘Sankalp Patra’ for Assam Assembly Elections in Guwahati, Assam. #10SankalpForAxom https://t.co/J6OHAwBLA9
— BJP (@BJP4India) March 23, 2021