বিশেষ বাৰ্তা, ২৭ জুলাইঃ দিনকদিনে অপৰাধীৰ ভূস্বৰ্গত পৰিণত হৈছে গুৱাহাটী মহানগৰী। প্ৰত্য়োক দিনেই এটা নহয় এটা অপৰাধ সংঘটিত হৈ আছে এইখন স্মাৰ্ট মহানগৰীত। আজিও পুৱা এটা মৃতদেহ উদ্ধাৰ হল মহানগৰী গুৱাহাটীৰ হাতীগাঁৱত। এক হত্যাকাণ্ডই জোকাৰি গল মহানগৰীক। মহানগৰীৰ হাতীগাঁৱৰ ফ্ৰেণ্ডছ পথত উদ্ধাৰ হয় এজন লোকৰ মৃতদেহ। নিহত লোকজন জাভেদ আলী অহমেদ বুলি চিনাক্ত কৰা হৈছে। লোকজনক দুজন যুৱকে মৰিয়াই হত্যা কৰাৰ সন্দেহ কৰা হৈছে। ঘটনাৰ পিছতে ঘটনাস্থলীত উপস্থিত হয় হাতীগাঁও আৰক্ষীৰ দল। আনুমানিক পুৱা চাৰি মান বজাত সংঘটিত হৈছে এই হত্যাকাণ্ডটো। উল্লেখ্য যে পূৰ্বেও এই পথত সংঘটিত হৈছিল আন এক হত্যাকাণ্ড।